A tottu sas Mamas: Faeddate in Sardu a fizos vostros !

Unu bellissimu articulu de Pepe Corongiu in su situ de FondazioneSardinia:

(http://www.fondazionesardinia.eu/ita/?p=2819)

 Bos ripeto inoche sas urtimas frases, e bos lasso pessare:

"...si podet fàghere. Lu podimus fàghere. Su pipiu nde balàngiat de seguru e, forsis, diant pòdere balangiare finas sas mamas. Non sunt issas, difatis, sas fèminas chi las ant custrintas pro primas a faeddare in italianu ca depiant essere belligheddas, allichididas, educadas e “carine” finas prus de sos mascros? Non sunt istadas issas sas primas a rùere vìtimas de custa cunditzione detzidida dae sos mascros de poderiu? Diat èssere bellu meda e de agradu si sas fèminas esserent comintzadu a si furriare. Totu sas rebellias comintzant dae domo.

Una limba chi non faeddamus a sos fìgios, non la podimus pedire posca a òbligu dae s’iscola de s’istadu. O, semper e cando, deghet prus pagu, si puru b’at resones su matessi. Tocat a nàrrere, però chi custa rebellia no est de pretèndere, ma forsis petzi de punnare ca, comente narat su sotziòlogu Mongili, est a manera pròpia una cunditzione, non unu sèberu lìberu. E tocat de rispetare sa dificultade de chie si siat. Ca nos ant custrintu, nos ant fatu birgongiare. Nos ant caratzadu e umiliadu in s’ànimu fungudu. A nde torrare a essire dae custu ispèrrumu no est fàtzile ca nos depimus, a carchi manera, fàghere male a nois matessi. A nos indùghere a mudare.

Ma, mamas e babbos sardos chi mirades a su mundu, bos potzo assigurare, pro chi l’apo bìvidu deo in pessone, chi, cando figiu bostru contòniat a domo e bos contat in sardu su chi at fatu in iscola in inglesu, o in frantzesu, o in tzinesu, non b’at prètziu. Ischides chi est creschende bene, aprontende sas armas pro gherrare in su mundu. 

Che a sardu abbistu e lìberu."

Sa Consulta Rivoluzionaria 3

Sa consulta rivoluzionaria est unu fattu seriu. Faghet piaghere de intennere e de videre gai meta zente in piazza.
Su populu sardu s'este uninne.
Si la cherimus videre positivamente, pothimus vinzas assertare chi custa crisi economica chi est vaunne sa Sardigna a sa gana est pero fachenne torrare a naschire unu sentimentu de comunitate e de Sarditate chi fini mortos finzas a pacos annos faghet. E jeo pesso chi siat propriu dae inoche chi sa "rinaschita" de sa Sardigna potat partire.

 Dae custos movimentos chi semprer prusu ana a abbrazzare galu prus meta zente. Zente chi at imparatu chi non servit prus petire, ca su petire ponet direttamente su petitore a sutta de su chi est danne sa cosa. E chie data, in custu sistema capitalista, pro definizione cherete un'interesse.
 S'interesse si pacat dae buzzaccas nostras, e si no est vene pacatu tanno nos nche leana tottu su c'amus.

In custu casu, sos Sardos chi petini a Roma su lavoru, e Roma chi bi lu dat , eja, ma a cunforma de sas condiziones chi piaghen a issa.

 Custa Zente at'imparatu chi no est prus ora de petire. Custa Zente oje CHERET, e crasa ata a PICCARE direttamente.

 Jeo so chin custa Zente.
 Jeo so chin SOS SARDOS UNIDOS.

A Iscola de Sardu

        lacanas.it

Est chin piacghere chi bos avviso de s'esistenzia de unu bellu programma pro sa limba sarda. Una televisione chi pro como est' on-line ma chi mi auguro de videre chizzo in tottu sa Sardigna: (sichi su link inoche: )

Iscola de Sardu

Sos menzus augurios.

TRAMATZA 15 de Capitanni 2012

S'ARVORINU DE SOS SARDOS UNIDOS

§2: Sa Consulta de sos Riformatores e de sos Liberales

Certu, est veru chi "Sa Consulta Rivoluzionaria", at una bellesa guasi cubana, e a metas potet ammentare sas impresas de Fidel Castro e Che Guevara. E annat bene gai puru. 

Peró, achenne de custa manera si perdet unu de sos puntos prus importantes de su cumiziu de Tramatza: s'unidade.

Deiffatisi, est'impossibile de cunvinchere sos Sardos de s'aunire in d'unu manifestu unicu pro sa Soverania, e mancari un'incrasa pro s'indipendentzia, si in Sardigna sa prus parte de sos sardos no est mai istata de sinistra e prus pacu rivoluzionaria.

E tanno derettu sos cummentos criticos dae chie in custu movimentu non bi cheret istare mancari appat sos mantessis fines :.sanatzione.eu o forzis puru su PD'Az.

E tanno si poten proporre inoche duas atteras ideas chi mancari poten piaghere a su restu de sos partitos liberales e riformistas Sardos: Sa Consulata de sos Riformatores e Sa consulta de sos liberales.

Diat essere abberu unu passu a deainnantis veramente mannu chi in Sardigna su dibattitu puliticu si baset SOLU supra custos ischieramentos e sas ideas chi proponenene, mantenenne peró una dialettica meta custritta trae issos e ponenne in donzi dibatittu prima sas cosas in comune : Soverania, Cultura, Limba, Indipendentzia....etc..., e poi si potat cuminzare chin sas diversas ideas de comente realizzare custu progettu comunu, a sicunna de sas diversas ideas politicas, chircanne de attirare s'elettore siat a manca che a destra, ma sempere siat una manca Sarda o una destra Sarda.

Sa fine de sos partitos Italianos in Sardigna est arrivanne. Toccat solu a sos partitos indipendentistas Sardos de azzappare unu terrinu cumunu e de si aunire in d'unu movimentu prus mannu chi 'nche ochet a foras sas Ideologias de destra o de sinistra chi siene, nessi pro su primu mamentu. 

Su dibattitu puliticu devet semprer cuminzare chin d' unu "NOIS SOS SARDOS"  e custu devet essere craru chi sa rappresentanzia de custu movimentu largu est in contrapposizione chin su restu de sos partitos Italianos.

Pro una Sardigna nova.

TRAMATZA 15 de Capitanni 2012

S'ARVORINU DE SOS SARDOS UNIDOS

§1: Sa Consulta Rivoluzionaria

1. Soverania
2. Unitade de sas partes (puliticas e de sos lavoratores), 
3. Rinnovamentu de sa Politica Sarda

Custos sun istados sos tres puntos prinzipales de sa discussione chi b'est'istada custa kita in Tramatza.
Vinzas cussas forzas chi carchi annu achete chircaiana una mediassone dae s'istatu Italianu pro s'istatud de crisi issoro mantessi (MPS, Movimento Artigiani) como si sono torratos a pessare e an cumpresu chi sa soluzione no est a dimannare ajutu a su chi at causatu custu istadu de malessere in Sardigna. Ana cumpresu chi no si podet dimannare a s'Italia unajutu chene poi ne paccare sas cunsequenzias prus malas (invasione de su territoriu e dipendenzia economica de merces e de energhia).

An cumpresu chi sa vorza est in s'UNIDADE de sa Sardigna matessi. Non sono issos una categoria isolata, chi pro mala sorte est sentinne sa crisi prus de un'attera categoria. Sa crisi oje at abbrazzatu tottu sas categorias de sos lavoratores Sardos. E tanno sa soluzione este propriu s'unidade.
Ca s'unidade at unu potere mannu de 'nche mannare a foras sos ispeculatores: sos chi de custa situazione de povertade ne approffitana comporanne (o leanne) sas aziendas ei sas attivitades in crisi a unu preju de miseria.

Custa piccate de cussenzia est'una conquista manna abberu. Como si devet isparghere, comente sementa, vinzas a sos lavoratores de s'industria ( ALCOA , EURALLUMINIA ).

E poi est facile de cumprennere chi Soverania e Unidade Sarda Natzionale son duas cosas ligatas appare, Si annat a deainnantis solu canno custos cuncettos ana a essere in sa conca de su 50% + 1 de sos Sardos.

Unu bellu cuminzu.

Sa Limba de sos chi lingene...su mere

S'attera die su Corriere della Sera hat pubblicatu un'articulu de comente sos parlamentares Sardos han fattu perdere a Sa Sardigna duas cosas fondamentales: 128 milliones de Euro e sa possibilitate de acher de su Sardu una limba de tottu sos Sardos. in d'unu corfu solu s'an bennitu s'interesse de sa Sardigna. Como toccat de lis petire su contu,barones de sa tirannia,linghitores de chie non bos carculat.
Custu este s'articulu:

REFERENDUM 6 Maggio - 6 Maju

Referendum de su 6 de Maju:

 

 http://www.regione.sardegna.it/argomenti/attivita_istituzionali/referendum2012/

Su 6 de Maju sos Sardos son cramatos a su votu pro decidere supra custo temas:

Referendum n. 1:
“Cherites chi siat cancellata sa lezze regionale sarda de su 2 de Jannagliu 1997, n.4, e sas sichitas intagratziones e modificas in materia de "Riassetto generale delle Province e procedure ordinarie per l’istituzione di nuove Province e la modificazione delle circoscrizioni provinciali?”.
Referendum n. 2:

Cherites chi siat cancellata sa legge regionale sarda de su 1 de lampatas 2002, n. 10  in materia de“Adempimenti conseguenti alla istituzione di nuove Province, norme sugli amministratori locali e modifiche alla legge regionale 2 gennaio 1997, n. 4?”.
Referendum n. 3:Cherites chi siat cancellata sa deliberazione de su Cussizzu Regionale de sa Sardigna de su 31 de martu 1999 (pubblicata in su BURAS n. 11 de su 9  de aprile 1999) contenente “La previsione delle nuove circoscrizioni provinciali della Sardegna, ai sensi dell’art. 4 della legge regionale 2 gennaio 1997, n. 4?”.
Referendum n. 4:Cherites chi siat cancellata sa legge regionale sarda de su  12 luglio 2001, n. 9, e sas novas provincias  in materia di “Istituzione delle Province di Carbonia-Iglesias, del Medio Campidano, dell’Ogliastra e di Olbia-Tempio?”.
Referendum n. 5:
Sezis deaccordu pro s’abolizione de sas battoro provincias istoricas de sa Sardigna, Cagliari, Sassari, Nuoro e Oristano?.
Referendum n. 6:Sezis deaccordu pro torrare a iscriere dae novu s'Istatutu de sa Regione Autonoma de Sardigna, pro manu de un' "assemblea costituente, eletta a "suffraggio universale" dae tottu sos cittadinos sardos?

Referendum n. 7:Sezis deaccordu a s'elezione diretta de su Presidente de sa Regione Autonoma de Sardigna, isseperatu chin sas eleziones primarias pro norma de legge?
Referendum n. 8:
Cherites chi siat cancelaltu s’art. 1 de sa legge regionale sarda de su 7 de aprile 1966, n. 2 recante “Provvedimenti relativi al Consiglio regionale della Sardegna” e sas sichitas intagratziones e modificas?
Referendum n. 9:Sezis deaccordu a sa cancellazione de sos cussizzos de amministrazione de tottu sos entes istrumentales e de sas Agenzias de sa Regione Autonoma de Sardigna?
Referendum n. 10:Sezis deaccordu a minimare a chimbanta su numeru de sos componentes de su cussizzu regionale de sa regione autonoma de Sardigna?

Pro sos elettores Sardos iscrittos a s'AIRE e residentes in isterrru est previstu unu reimbursu:

"Il contributo è pari a 361,52 euro per gli elettori provenienti da paesi europei ed a 619,75 euro per gli elettori provenienti da paesi extraeuropei."

ANNATE TOTTU A VOTARE!